مجموعة الفراعنة

الميسرة / نورهان محمد

كل واحد جواه عيب عيوب و مميزات  ،،، وبصراحه انا من الشخصيات اللي كانت فيها عيوب علي سبيل المثال “عدم التزامي بالمواعيد” لكن الشئ ده اتغير فيا جدا بقيت اكثر التزام وكمان كنت بحكم علي الشخص من مظهره يعني ده شكله كذا يبقي ده شخص وحش و انا محبوش لكن اتعلمت اتقبل الاخريين بعيوبهم لان محدش فينا كامل من كل شئ و ده حصل معايا ف الانشطه الرياضيه التابعة لبرنامج أنا ونحن واللي علمتني يعني اي الجماعه واننا نبقي فريق واحد يعني مثلا ده موقف حصل بالفعل كان في شخص انا مكنتش حابه و كنت علي خلاف معاه بس اتحطينا انا و هو في فريق  واحد فبقيت مضطر انه خلاص لازم الفريق ينجح  ويظهر بأفضل شكل فاتفقنا اننا بقينا فريق واحد يعني نركن اي خلاف علي جنب  علي عكس الاول قبل البرنامج انا لو اتحطيت مع فريق انا مش حابب حد فيه بنسحب و مش بكمل و خصوصا لما إتطوعت

و طبعا اتعلمت كتير عن طريق الميسرات و اهم الحاجات اللي اتعلمتها هي طريقة التفكير و تنظيم الافكار و انجاز المهام اللي عليا و اني لازم اعمل جدول و خطه لحياتي متبقاش ماشيه كده من غير نظام