مجموعة امهات عظيمات
الميسرة نجلاء جمال
من العلامات الفارقة معايا وإتعلمتها من برنامج مواقف وأفكار في التربية هى التواصل مع اطفالي أنا أم ل 4 أطفال اولادي لهم هوايات واتجاهات بالنسبة لي غريبة من تيك توك ليوتيوب لكرة لألعاب
فكنا طول الوقت أنا فى وادي وهم في وادي بس جيت بعد ما أخدت جلسة بتتكلم عن التواصل مع الابناء وأهميتها في تكوين طفل سوي له هوية مترابط ومنتمي لأسرته فكرت إزاي انفذ دا مع ولادي وكانت الفكرة إني أتعلم إهتمامامته
وبعد إسبوع جبت سبورة وصورت مع إبني فيديو على اليوتيوب بيتكلم عن ((تكتيك)) كرة القدم والخطط في اللعب وإزاي لما لاعب الوسط بيتحرك المدافع بيأخذ مكانه والادوار الدفاعية والهجومية للاعبين
يمكن تشوفو أن دا مش مفيد وإنه تضييع وقت بس تعالوا أقولكم دا فرق إزاي
أولا إبنى مبقاش عايز ينزل يتفرج على المباريات على قهوة مع أشخاص مش معروفين بالعكس بقينا بنتفرج سوا ونحلل سوا
ثانيا فتح مجال مشترك للنقاش بينا ودا خلاه يسيب التليفون ويهتم أكثر بالحوار والمناقشة
ثالثا كان مدخل إننا نتكلم في موضوعات تانية
رابعا مبقاش في زعيق بتاع سيب التليفون ولا متنزلش
اللي حابة أوصله لكم إن التغيير بيحصل لنا مش لأولادنا احنا اللي بنقصر معاهم وبرنامج مواقف وافكار في التربية فهمنى إزاي اتواصل بشكل أحسن مع كل اللي في البيت
Leave a Reply